深圳酒店推介2026｜深圳住宿推薦30+！近地鐵歎無敵海景2日1夜度假
U Lifestyle
深圳
深圳
深圳海景民宿7大推介｜度假打卡必去希臘風白房子/私人海灘/私湯民宿
唔想請假出國去旅行，但又想趁週末假期短短地嚟一場輕度假？👒近年唔少情侶或一家大細都會選擇入住深圳民宿，同另一半及小朋友出遊兩日一夜。除咗性價比高之外，更睇到無敵海景，暢玩水上活動，而且裝潢都打卡friendly！今次當然有一眾社群U Creator為大家推介7間高性價比、適合香港人短途放空嘅深圳海景打卡民宿，bookmark定日後北上都可以做參考啦~
— — — — —
【請您食月餅🥮】送利苑雙聚嚐月禮盒！
即日起至2025年9月4日，U Community社群聯同利苑為您送上人氣之選—「雙聚嚐月禮盒」，一盒有齊「迷你流心奶黃月餅」及「雙黃白蓮蓉月餅」！現時只需簡單登記及讚好利苑集團（香港）FB 及 Follow leigarden IG，即有機會免費帶返屋企同家人一齊品嚐！
>登記贏走利苑雙聚嚐月禮盒<
— — — — —
深圳海景民宿推介 | 深圳南澳海邊民宿
提到近年新興度假勝地，一定非深圳南澳莫屬。位於大鵬半島南端，三面環海，有著大片天然海灘，海水十分清澈透亮，您可以盡情玩盡獨木舟、水上單車等各類水上活動！搭配沿岸一系列海邊民宿，夢幻嘅異國風情絕對係度假首選。想知裡面啲民宿有幾靚就要睇落去啦！
📍蜜悅·藍白聖島懸崖泡池美宿
相信大家喺社交媒體上都一定有見過呢個藍磚白牆嘅希臘風建築。一棟又一棟聖托里尼優雅風嘅白房子，又稱「東方小夏威夷」，原來就係呢間懸崖海景酒店！就好似佢個名咁，建築層層遞進嘅感覺好似置身於懸崖一樣。房間可以270度飽覽南澳灣大片海景，當中仲有洞穴浴池海景房，可以打卡被泂穴框住嘅南澳灣唯美日落，浪漫到好似一幅畫咁！
地址：龍崗區南澳街道海濱南路33號D2棟
交通︰蓮塘口岸出發搭乘專車/計程車約1小時
>由 “美食終結者Rose” 帶您盡情打卡「東方小夏威夷」海景民宿<
— — — — —
📍 蜜悦·深圳羅馬假日湯泉泡池美宿
呢間近年開業嘅民宿以「羅馬假期」為概念，位於南澳凱旋灣別墅區。無論係古羅馬式半圓形門窗拱廊，或者地面嘅幾何圖案瓷磚，都神還原羅馬建築，令您置身歐洲一樣！而且民宿鄰近南澳第一沙灘，喺房入面都可以輕鬆解鎖大片海景。而且7月最新開業嘅B棟更設有私人泳池，配埋窗外綠油油草地，一秒療癒身心！
>跟住 “letsgofollowme” ，一同打卡絕美歐陸風海景民宿<
地址：南澳街道水頭沙社區海濱北路2號凱旋灣花園15號101室
交通︰蓮塘口岸出發搭乘專車/計程車約1小時
— — — — —
📍深圳半天雲海岸渡假村
深圳半天雲海岸渡假村係一座位於南澳，立於懸崖之上、面向大海嘅小型度假住宿，由三棟別墅以五星級酒店規模組成，適合一大班人兩日一夜team building度假！除咗可以飽覽無敵海景觀日落外，裡面仲有獨立泳池，而且配套齊全，有齊電動麻將､投影螢幕、藍芽音響等等，無論係搞婚禮、開party定慶生都係一流之選！
>等 “Sharonchan999” 分享半天雲海岸渡假村有幾正<
地址：深圳市龍崗區南澳洋稠路1-3號
交通：深圳市區搭乘M231路巴士，在「半天雲」站下車
— — — — —
📍阿卡那拉琉璃海度假區
南澳又一間望到無敵大海景嘅民宿度假區！「阿卡那拉琉璃海度假區」主打全透明玻璃屋設計，每間房都可以解鎖窗外絕美玻璃海~度假區內有私人海灘，您可以喺入面玩盡獨木舟、浮潛等水上活動。推薦日落時間去泂穴酒吧或餐龐拎住杯cocktail打卡，保證出片！
地址：龍崗區南澳街道南隆社區洋疇灣花園44棟B單元2樓
交通︰深圳北站搭乘E11路巴士到大鵬中心1站再轉乘M321/自駕
>按此跟隨 “catchu” 一齊感受阿卡那拉度假區風情<
— — — — —
📍深圳苫也·溪上嶼海景民宿
唔使去到海南島都打卡到「三亞」世外桃源般嘅風景！如果想體驗人煙稀少嘅生活，「苫也·溪上嶼海景民宿」係一個好選擇！民宿位於大鵬東涌沙灘，以私湯同山林景色聞名，甚至有深圳「小三亞」之稱。附近有齊沙灘、山林同溪流，輕鬆實現海灘玩半日後，再泡湯消除疲勞嘅別緻享受~~想拋低煩惱，過一個慢活愜意生活節奏，呢間民宿絕對係首選！
地址︰龍崗區南澳街道東涌社區衝街0359號101
交通：自駕/羅湖口岸搭乘計程車
> 跟住 “小沐 Virgo” 打卡深圳小三亞民宿<
— — — — —
深圳海景民宿推介 | 深圳日式私湯民宿
📍 寸石湯屋
唔使出國都享受到日式溫泉？仲可以邊泡湯邊望海，貴婦級享受！鹽田區大梅沙呢間民宿主打日式簡約風，還原日本傳統溫泉酒店獨有建築元素，再融入先進設備，設有巨型投影屏及音箱。牆邊嘅貓貓插掛畫超可愛呀~而且露台都係面朝大海景，住客仲可以換上浴衣體驗正宗日式泡湯。以上體驗居然人均唔使¥400，實現平住做公主嘅夢想~
地址︰鹽田區環梅路海闊凌海公寓
交通：地鐵8號線大梅沙站C出口
— — — — —
📍 仙本那海景沙灘民宿
民宿位於深圳較場尾，為大鵬半島沿海一個小村落，有清新廣闊嘅海景及文青感十足嘅建築物，獨有嘅藝術慢活氛圍令佢有深圳「小鼓浪嶼」之稱，最適合兩日一夜度假！民宿附近除咗有一大片海灘及整條美食街外，民宿內都充滿驚喜，提供免費中/西式早餐及下午茶〝晚餐仲可以望住海景BBQ，輕鬆望住180度海景觀享用私湯、KTV，仲有室外游泳池，基本上每個位都係打卡位，開party必住！
地址：龍崗區較場尾路較三西八巷7號101
交通：深圳市區搭乘M471或M457路至較場尾公車站
— — — — —
🔔 Follow《U Communiy社群》Instagram 同讚好 Facebook專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。
💰分享精彩旅行時刻，即賺無上限現金賞！
立即加入《社群創作有價企劃》：https://ulapp.hk/mp25i
— — — — —
圖片來源：小紅書帳戶@蜜悦文旅、@阿卡那拉美宿度假區、@清溪鄉舍、@寸石湯屋、社群U Creator 美食終結者Rose 、 letsgofollowme 、 Sharonchan999 、 catchu 、 小沐 Virgo
BESTFOODwithUCreator UCreatorHK TRAVELwithUCreator ULifestyle應用程式 ULifestyleApp UCommunity 社群 社群創作有價企劃 深圳打卡 深圳 深圳民宿 海景民宿 日式私湯 無敵海景 溫泉酒店
閱讀更多